Service-Learning program (SLP) ida nee reflete Pedagojia Paradigma Inasianu ninia aplikasaun iha ambiente komuniadade no sosiál.

Programa ida ne’e buka atu forma estudante hodi apresia liu tan sentidu kona – ba forma feto no mane ho kompitensia, konsiensia, kompaisaun no komprimisu.

Liu husi progrma SLP, ISJB iha fiar ida katak; justisa, domin, no paz presiza ema edukadu ho kompetensia, konsiensia, no kompaisaun nudár feto no mane ida ne’ebé mak prontu atu inklui ema hotu no promove katak sai ema lolós ida ne’ebé mak komprimitidu atu serbisu ba ema hotu ninia liberdade no dignidade, no halo ida ne’e ho koperasaun ho ema seluk atu reforma sosiadade no mos ninia estrutura.

Service Learning Program (SLP) hanesan programa anuál AJCU-AP-SLP nian ida ne’ebé fornese experiénsia aprendizajen ba estudante sira liu husi experiénsia real iha servisu komunitariu.

Tinan ida ne’e, SLP sei hahú husi 25 de Outubro to’o 30 de Outubro tinan 2021, iha Ermera Letefoho. Tema ba SLP tinan ida ne’e mak “Promove aplikasaun no relevánsia husi Edukasaun Jezuíta iha area rurál.”

SLP oferese oportunidade ba estudante sira atu pesoalmente bele hasoru sosiedade ida ne’ebé mak marginalizadu. Estudante lori fali valor sira ne’e ba aula hodi dezafia sira nia – an hodi dezenvolve perspetiva ida kona – ba ki’ak.

Liu husi Service Learning Program estudante sira sei:

1. Liga moris akadémiku iha aulas laran ho moris pratikál ho komunidade sira ka serbisu komunitária.
2. Bele aplika Pedagojia Inasiana iha komunidade sira nia leet ne’ebé mak reflete valor sira Inasianu “komtemplasaun iha asaun” (contemplative in action).
3. Observa no reflete moris realidade iha komunidade rurál sira atu bele kontempla kompañia de Jesus ninia misaun oin loron “the service of faith and promotion of justice”.
4. Involve iha ezersísiu refletivu no disernimentu liu husi sesaun rekolesaun no mos reflesaun.
5. Hola parte iha serbisu voluntáriu hodi manifesta solidariadade ba komunidade ne’ebé mak sai tarjetu ba SLP.
6. Aprezenta impaktu edukasaun Jezuíta ba komunidade distritu no rurál sira. 7. Selebrasaun kulturál atu apresia liu tan komunidade sira nia valór lokál sira. 8. Reflete kona-ba prosesu rezultadu husi SLP liu husi sesaun Post – Atividades.